旅遊攻略 - 名古屋 (美食篇)
意粉，可能你經常會食。去到名古屋你又有無諗過去食意粉呢？今次介紹呢一間係名古屋既西餐廳，佢主打既意粉同你係香港食既好唔同咖！
呢個意粉據說係係1960年代出現，係名古屋既特產。個意粉最特別係個汁，佢係將你所選擇既材料，加個湯一齊炒，炒到汁開始收乾變稠，就倒落去已經煮好左既意粉上面。一般既意粉通常都係掛汁，或者好似茶餐廳咁做湯意粉，呢款半湯半汁形態既意粉真係比較特別！
今次推介既係黑椒煙肉腸汁意粉。就咁聽好似好唔特別，不過一食落去你就會發現同平時食開既好唔同。首先講個意粉底，Al Dente!! 唔會太硬或太淋。因為個汁係分開煮，所以唔會為左就個汁同材料而影響本身意粉既質地。至於個汁，佢有d似日式鐵板既汁，由於連埋啲青椒黃椒煙肉腸一齊炒香左，所以個汁本身個味都好有層次。而且因為個汁夠稠，所以當佢倒係個意粉上面意粉都掛得住啲汁，唔會話搞到個味好分開咖！
あんかけスパゲッティ パプリカ
名古屋地鐵伝馬町站4號出口，過馬站直行約3分鐘，再過對面馬路
Search